Ocras

Tá ocras orm inniu. Níl cianóg rua fágtha i mo phóca, agus níl an tuarastal ag teacht roimh an lá amárach. Tchí Dia mise ag feitheamh go mífhoighdeach le gealadh na maidine!

D'fhógair Alejandro Toledo staid éigeandála i bPeiriú, rud a chuireanns go mór isteach orm, agus mo chara pinn, Tatiana, i dTrujillo i ndiaidh cuireadh a thabhairt domh chuici. Saoire a bheadh ann a sháróchadh na brionglóidí féin: tír nach bhfaca mé a leithéid riamh, grian, sléibhte, cultúr iontach, stair, cuideachta dheas...Ach anois, dealraíonn sé go gcaithfidh mé dearmad a dhéanamh de - agus aghaidh a thabhairt ar Éirinn ina ionad, ar ndóigh.